dantzaz
dantza + Z
Gure izaera, dantza
«“Z”-k gure egiteko modua adierazten du. Gure hizkuntzak duen aberastasuna probeztuz, deklinabide instrumentala erabiltzen dugu gure izaera eta misioa adierazteko. Dantza gure izatea eta gure egiteko modua da. Dantzan eta dantzaraziz egiten dugu dantza. Ez, ez da erredundantzia bat, errealitatea baizik.».
Adriana Pous, zuzendari artistikoa
Dantzazek enplegua eta profesionalizazioa sustatzen ditu dantzaren sektorean, eta, aldi berean, sorkuntza eta ikerketa sustatzen ditu, mundu osoko interpreteei eta koreografoei aukerak emanez.
Egoitza artistikoak eta kontratu eta beken modalitate desberdinak eskaintzen ditu, eta publiko berriak sortzeko bitartekaritza- eta berrikuntza-proiektuak babesten ditu.
Dantzaz, halaber, Gipuzkoako Dantzagunearen instalazioetan kokatuta dagoen zentroa da, non ekintza, bitartekaritza, komunitatearekiko topaketa eta prozesu artistikoen laguntza elkarri lotuta dauden. Nazioarteko lankidetza-sare garrantzitsuetako kide da, eta Euskadi-Nafarroa-Akitania Berria Euroeskualdean hainbat proiektu zuzentzen ditu, Gipuzkoako Foru Aldundiak, Eusko Jaurlaritzak eta Arte Eszenikoen eta Musikaren Institutu Nazionalak (INAEM) ematen dioten laguntzari esker. Bi hamarkada baino gehiagoko historian, berrogeita hamar ekoizpen baino gehiago sinatu ditu, eta lankidetza eta truke artistikoko proiektuak ditu Europako eta Amerikako erakundeekin.
Hau da dantzaz